Aus Zeitmangel und aus der tiefen Überzeugung, daß man an Gamsbock erscht schießt wen er schwarz isch und natürlich in do Brunft, verging die Zeit und mein Bui do Daniel hot den Gamsbock olm no zi schießn. In November also in do Brunft hot er wiedo wie so oft, zwischn Orbat, Vereine und natürlich Anhong, koan freidn Tog gfundn zi gian.Obo endlich am 3.Dezember ischs so weit und er möcht daß i a mit geah. Di gonze Woche schneibs und natürlich am Freita a. Na bravo! Mir treffn ins um holba 7 mitn Herbert und unschlüssig wohin ba den Sauwetto, entschließn mir ins holt dechto für a Seelond. Schnee bis zi di Knie und noch obm koana Grenzn stopfn mir in die Höhe. Überoll Spurn, ob und zui a a poor Gams, obo nix passendes.Wiedo a Stuck den Weg ziruck und kerzengrod übern Wold aui.Inzwischn reicht mir do Schnee bis zin Ollerwertesten und Schnee hon i sogor in die Jackntaschn.

Die Mander sitzn af an Punkt un wo man, wen der Nebl sich verziecht a guite Aussicht hot und i holt mi in Hintogrund und setz mi af mein Rucksock. Kolt is, noss is und wenns net schneib follt wol do Schnee fa di Bame ocha.Endlich gegn holba 2 spring a Gams grode übers Tol ocha. I moch an Pfeifa um di Mando dei in a ondre Richtung schaugn, aufmerksam zi mochn.Aus meindo Posituion sieg i di Gams glei nimmer, obo i sieg in Daniels Gewehr richtn und in Herbert ongestreng schaug. Hoffentlich werd des wos, nocha kimm i endlich in die worme Stube. Obo schun noch kurzo Zeit entspannen sich dei Zwoa und deutn mir daß der Bock zi jung wor. Es werd beschlossn wiedo in Berg ogn zi gian und vielleicht weiter untn no awin zi schaugn.Meina Hanschuhe san gfrohrn und i spühr meine Hände nimmer! So werds viera und mir gebm di Jogd au. Am nächstn Tog isch jo schien Wetto ungsog und man werds no amol vosuichn. I konn net mit weil i schun ausgemocht hon noch Osttirol zi fohrn um noch die Futterstelln zi schaugn. Die Mando startn am Somstog wiedo um holbe 7 und i fohr noch Matrei.Ungeduldig wort i af an Onruf und endlich klingelts Telefon und auf dem Display les i : I bin a supo glücklicho Jaga, do Bock lieg und er isch 8 Johr olt !

Bravo Daniel a kräftiges Waidmannsheil!

                                                                                                                         Bericht und Fotos:  Lahner Annelies