Die Housnjogg in Herbscht isch meine große Leidenschoft.

A guets Wettr, a pour Joggkollegen und logisch is wichtigste - insre Hund. A gonzr Toug inmittn vi der wunderschien Bergwelt, wos gibt’s entsponnenderes?

Bin der Meinung, dass die Housnjogg in Gsellschoft vi Kollegen is schienschte isch – mitnonder jagern, ratschn, essn und trinken….

Gelegentlich suechmr gegen Mittoug a gemütliches Platzl, mochn a klons Fuir und donn wern ollerhond Köstlichkeitn wosmr mitgebrocht oubm gegrillt und a guets Flaschl Wein drzuegetrunkn. Kurz gsogg – mir lossns inz richte guet gien!

Des sein besonders wertvolle Momente, an de i mi gern zruggerinnere – bsunders in der heint im Olltoug so hektischen Welt. A wennmr oft ohne an Hous gschossn zi oubm wieder hom gien, die Frei am Gonzn wermr nie vrliern. I höff, dass inz die Housnjogg no long erholtn bleib – war schou um de Erlebnisse. 

                     Bericht und Fotos: Franz Spiess, Sarntal